Kvinnherad bibliotek står i ein krevjande bemanningssituasjon. Biblioteket har 1,1 årsverk som ikkje vert lyste ut no. Det er førebels uavklart kva bemanning biblioteket vil ha etter årsskiftet.
Dette er dei mellombelse strakstiltaka som i første omgang vil gjelde fram til jul:
• Biblioteket vert stengt for bemanna drift på fredagar.
• Meirope bibliotek på fredagar vert redusert. Kun ubetjent (meirope) frå 16:00- 22:00
• Kveldsope på tysdagar fell bort, og biblioteket stengjer kl. 16.00.
• Bokbussruta kan bli redusert
• Nokre arrangement og aktivitetar fell bort.
• Vårprogrammet til biblioteket kan også bli påverka og bli annleis enn det publikum er vane med.
Biblioteket går inn i ein periode med mange planlagde arrangement, og vi vil prøve å gjennomføre desse så godt vi kan, men situasjonen gjer at Strikk og lytt, Harry Potter-dagen og aktivitetar på elevfrie dagar må takast ut av programmet.
Biblioteket vil så godt det let seg gjere yte service i ein krevjande bemanningssituasjon.