Bringekluten si historie og symbolbruk – Britt Rage
Kvinnherad bibliotek inviterer til foredrag med Britt Kjellesvik Rage, som vil ta publikum med inn i historia bak bringekluten – eit sentralt element i folkedrakttradisjonen.
Foredraget byggjer på Rage sitt omfattande dokumentasjonsarbeid gjennom 25 år, og er basert på hennar nyleg utgjevne bok Bringeklutar frå Tysnes. Ho vil presentera bringekluten i eit historisk perspektiv, med fokus på symbolbruk, materialtilgang og handverkstradisjonar.
Under arrangementet vert det også ei mini-utstilling med originale bringeklutar og historiske draktplagg. Målet er å inspirera til vidare bruk og forståing av gamle mønster og teknikkar.
Foredraget varer om lag 50 minutt og er gratis og ope for alle interesserte.