Julekos på biblioteket
Senk skuldrene, slapp av og nyt den gode førjulsstemninga på biblioteket.
Midt mellom alt som må ordnast og fiksast før jul, inviterer me til ein lågterskel julekonsert med vår eigen Rune Eikemo i samspel med forfattar og musikar Anders Totland. For mange, mange år sidan spelte dei saman i revybandet på Husnes. I sommar blei dei gjenforent rundt eit gammalt trøorgel i ein hage på Valen. Det gav meirsmak. Som organisten konkluderte etter den spontane hagekonserten: «Dette må me gjera igjen!» Og kva passar vel betre for ein bibliotekmedarbeidar med gullstrupe og ein forfattar som alltid har drøymt om å laga julekonsert, enn å gjera det saman på biblioteket? Me gler oss, og håper så mange som mogleg vil setja av ein god time til å berre finna ro og fred saman med gode vener denne kvelden. Me garanterer god stemning og eit variert repertoar. Kanskje blir det ein fast tradisjon?
PS: Om alt går som planlagt, går det an å få kjøpt seg forfriskningar for vaksne.
Varmt velkomne skal de vera!
Inngangsbillett kostar 100 kr og kan kjøpast på førehand via kulturhuset sine sider, eller i døra på sjølve kvelden.