Katrine Sele: Menn som nesten elska meg

Vi inviterer til ein samtale mellom forfattar Katrine Sele og biblioteksjef Trude Hege Bergesen om den nye boka Menn som nesten elska meg – sju års lengt etter kjærleiken.

Då Katrine Sele skilde seg midt i førtiåra, blei ho kasta ut i kaos – einsemd, økonomiske bekymringar og frykta for å ikkje strekke til som mor. Men snart tok lengten etter kjærleik over. I denne ærlege og sårbare memoaren skildrar ho sju år med dating, forelskingar og kjærleikssorger, og forsøka på å kome nær eit anna menneske utan å miste seg sjølv. Boka reflekterer over kva kjærleik og sex eigentleg betyr, og korleis ein kan kome seg gjennom hjartesorg – med hjelp frå både eigne erfaringar og litteratur.

Kritikarane har kalla boka både modig og gjenkjenneleg – ei underhaldande og inspirerande skildring av livet som singel og lengtande i vår tid.

Billett 100,-
Sikre deg billett